राजसंस्था पुनःस्थापना र हिन्दू राष्ट्रको मागसहित काठमाण्डौमा प्रदर्शन ।

भक्तपुर – आज बिहानैदेखि भृकुटीमण्डप तथा रत्नपार्क क्षेत्रमा सुरक्षा व्यवस्थामा कडाइ गरिएको छ । नेकपा (एमाले) को कार्यक्रम र राजावादीको प्रदर्शनलाई लक्षित गरेर सुरक्षा व्यवस्थामा कडा गरेको हो । सो क्षेत्रमा सुरक्षा व्यवस्था लाई ध्यानमा राखेर करिब चार हजारको सङ्ख्यामा प्रहरी साथै आठ सय ट्राफिक प्रहरी परिचालन गरिएको काठमाण्डौ उपत्यका ट्राफिक प्रहरी कार्यालयले जनाएको छ ।

विभिन्न पार्टीको कार्यक्रम तथा प्रदर्शन हुने ठाउँतिर गाडी प्रवेश गर्न नदिइ डाइभर्सन गर्ने व्यवस्थासमेत मिलाइएको कार्यालयले जनाएको छ ।
अहिले भृकुटीमण्डपमा एमालेले कार्यक्रम तथा प्रदर्शनी गरिरहेको छ । राप्रपा लगायत दल र राजावादी समूहले राजसंस्था पुनःस्थापना र हिन्दू राष्ट्रको मागसहित प्रदर्शन गर्ने बताएका छन् । र राजावादीको प्रदर्शन रत्नपार्क क्षेत्रमा दिउँसो साढे दुई बजेपछि शुरू हुनेभएको छ ।