बाजुराको बाम्का बजारमा भीषण आगलागी: एकैचोटि ४० भन्दा बढी पसल खरानी!

भक्तपुर -बाजुरा जिल्लाको बुढीगंगा नगरपालिका–६ स्थित बाम्का बजारमा शुक्रबार दिउँसो एकाएक लागेको भीषण आगलागीले सम्पूर्ण बजार क्षेत्र ध्वस्त पारेको छ। आगलागीबाट ४० भन्दा बढी पसल पूर्ण रूपमा जलेर नष्ट भएका छन्।स्थानीय नवदुर्गा होटलमा रहेको ग्यास सिलिन्डर पड्किएर आगलागी सुरु भएको जिल्ला प्रहरी कार्यालय, बाजुराले जानकारी दिएको छ। प्रहरीका अनुसार आगो दिउँसो ३:५५ बजे लागेको हो।

बुढीगंगा नगरपालिकामा दमकल उपलब्ध नभएकाले डोजर र पानीट्यांकरको सहायताले आगो नियन्त्रणको प्रयास भइरहेको छ।आगलागीस्थलमै रहेका मेयर रामबहादुर बानियाँ भन्छन्,”निकै ठूलो आगलागी भएको छ। कम्तीमा ४० वटा पसल पूर्ण रूपमा ध्वस्त छन्।

मानवीय क्षति भने भएको छैन।”हालसम्म कुनै मानवीय क्षति नभएको पुष्टि भए पनि भौतिक क्षतिको यकिन विवरण आउन बाँकी छ।
स्थानीय प्रशासन, प्रहरी र सर्वसाधारणको सहयोगमा आगो नियन्त्रणको प्रयास अन्तिम चरणमा पुगेको जनाइएको छ।