तनहुँको व्यासमा काँग्रेसको अग्रता, दीपकराज २१६ मतले पछाडि

भक्तपुर /तनहुँको व्यास नगरपालिकामा नेपाली काँग्रेसका उम्मेदवार वैकुण्ठ न्यौपानेले अग्रता लिएका छन् ।​ सुरुवातीमा स्वतन्त्र उम्मेदवार दीपकराज जोशीले अग्रता लिए पनि अन्तितिर आउँदा न्यौपानेले अग्रता बढाएका हुन् । काँग्रेसका पूर्व नेता गोविन्दराज जोशीका छोरा दीपकराजले एमालेको सर्मथन छ भने एक्लै प्रतिस्पर्धामा छ ।
२४ हजार ३८७ मत गणना हुँदा काँग्रेस उम्मेदवार न्यौपानेले ९ हजार ८२२ मतसहित अग्रता बनाएका छन् । उनलाई दीपकराजले ९ हजार ६०६ मतका साथ पछ्याइरहेको अवस्था छ । दीपकराजलाई बैकुण्ठ न्यौपानेले २१६ मतले पछाडि पारेका छन् । अब ५८७६ मत गन्न बाँकी छ ।