भारत हुँदै तस्करी गरिँदै गरेका ४० नेपाली महिलाको समयमै उद्धार ।

भक्तपुर – भारत हुँदै गैरकानुनी रुपमा खाडी मुलुक पठाउन लागिएका ४० जना नेपाली महिलाको दिल्लीबाट उद्धार गरिएको छ। नेपाली दूतावास, नयाँ दिल्लीको पहलमा भारतीय सुरक्षाकर्मीको सहयोगमा उनीहरुलाई उद्धार गरी नेपाल फर्काइएको हो ।

दूतावासका अनुसार ती महिलालाई घरेलु कामदारको रुपमा खाडी मुलुक लैजाने प्रलोभन देखाई दलालहरूले भारत पु¥याएका थिए। अवैध रुपमा अन्तरदेशीय सिमाना पार गराउँदै तेस्रो देश जान लागेका महिलाहरुलाई समयमै पत्ता लगाएर रोकिनु ठूलो सफलता भएको दूतावासले जनाएको छ । “उनीहरूलाई गैरकानुनी रुपमा तस्करी गरिँदै थियो ।

खाडी मुलुकका विभिन्न शहरमा घरेलु कामदारका रूपमा पठाउने योजना दलालहरूको थियो,” दूतावास स्रोतले भन्यो, “भारतीय सुरक्षाकर्मी र दूतावासको समन्वयमा सबै महिलालाई उद्धार गरी नेपाल फर्काइएको हो ।” पीडित महिलाहरू हाल नेपाल आइपुगेका छन् र आवश्यक परामर्श तथा सहयोग प्रदान गरिने दूतावासले जनाएको छ । सरकारले मानव तस्करीविरुद्धको निगरानी अझ कडा बनाइने प्रतिबद्धता जनाएको छ।