बडीमालिका फर्किदै एकै दिन दुई तीर्थयात्रीको मृत्यु ।

बडीमालिकाको दर्शन गरी नाटेश्वरी फर्किने क्रममा त्रिवेणी नगरपालिका–९ को विष्णुपानी नजिकै शुक्रबार दिउँसो भिरबाट लडेर थप एक तीर्थयात्रीको मृत्यु भएको छ।मृत्यु हुनेमा बर्दिया जिल्लाको ठाकुरबाबा नगरपालिका–४ का ७५ वर्षीय डिल्लीराज घोडासैनी रहेका छन्। जिल्ला प्रहरी कार्यालय बाजुराका प्रहरी नायब उपरीक्षक इकवाल हवारीका अनुसार, घोडासैनी भिरबाट लडेर घाइते भएका थिए र उपचारको क्रममा साँझ निधन भएको हो।

उक्तै ठाउँमा बिहीवार राति पनि काठमाडौँको गोकर्णेश्वर नगरपालिका–५ का ५२ वर्षीय विप्लव ओझा सात सय मिटर तल खोँचमा खसेर मृत्यु भएका थिए।तीर्थयात्रा गर्नेहरूको सुरक्षा सुनिश्चित गर्न स्थानीय प्रशासन र सुरक्षा निकायलाई थप सतर्क हुनुपर्ने आवश्यकता रहेको स्थानीय जनप्रतिनिधिहरूले बताएका छन्।