मोटरसाइकल र स्कुटर ठोक्किँदा बूढानिलकण्ठमा २ जनाको मृत्यु ।

भक्तपुर –  काठमाडौँको बूढानिलकण्ठमा मोटरसाइकल र स्कुटर ठोक्किँदा दुई जनाको ज्यान गएको छ। प्रहरीका अनुसार गएराति करिब ८ बजे बूढानिलकण्ठ– नगरपालिका ७ स्पेसल चोकमा गएराति मोटरसाइकल र स्कुटर ठोक्किँदा दुई जनाको ज्यान गएको छ ।

बागमती प्रदेश ०२–०४१ प ६८१९ नम्बरको स्कुटर र मधेश प्रदेश ०२–००२ प ५७२ नम्बरको मोटरसाइकल एक आपसमा ठोक्किँदा दुर्घटना भएको हो । स्कुटर आपसमा ठोक्किँदा गम्भीर घाइते भएका दुवै जनाको उपचारको क्रममा मृत्यु भएको छ । दुर्घटनामा ज्यान गुमाउनेमा मोटरसाइकल चालक २९ वर्षीय भोला थापाको उपचारकै क्रममा बिहान ज्यान गएको जिल्ला प्रहरी परिसर काठमाण्डौका प्रवक्ता एसपी अपिलराज बोहराले जानकारी दिनुभयो ।

उनीहरूलाई उपचारका लागि शिक्षण अस्पताल महाराजगञ्ज लगिएकोमा चिकित्सकले मृत घोषित गरेका थिए । दुर्घटना भएको स्कुटरमा दुई र मोटरसाइकलमा तीन जना चढेका प्रहरीले जनाएको छ । प्रहरीले दुर्घटनाबारे थप अनुसन्धान भइरहेको जनाएको छ ।