जडिबुटीमा रोकिराखिएको बसमा एक स्कुटर ठोक्किँदा, २ जनाको मृत्यु ।

भक्तपुर – काठमाडौंको जडिबुटीमा गएराति भएको सवारी दुर्घटनामा भएको छ । प्रहरीका अनुसार जडिबुटी चोक नजिकै सडक किनारमा रोकिराखिएको बसमा एक स्कुटर ठोक्किँदा दुर्घटना भएको हो ।

उक्त स्कुटरमा सवार दुई जनाको घटनास्थलमै ज्यान गएको प्रहरीले जनाएको छ । दुर्घटनामा नवलपरासीको सुनवल नगरपालिका—१ घर भई भक्तपुरको लोकन्थली बस्ने २२ वर्षीय शिरिस पौडेल र स्कुटरको पछाडि बस्ने काभ्रेपाञ्चोक पाँचखाल–२ होस्के घर भएका २३ वर्षका नितेश नेपालको ज्यान गएको हो ।

गएराति जडिबुटीमा रहेको आकाशे पुल नजिकै सडकछेउमा रोकिराखेको बा प्र ०१,००६ ख ४२४३ नम्बरको बसको पछाडिपट्टिको भागमा लु ४३ प ४९३८ नम्बरको स्कुटर ठोक्किएको थियो । बस चालक दोलखाको भिमेश्वर नगरपालिका–७ घर भइ काडाँघारी बस्ने २५ वर्षका सुभाष तामाङलाई पक्राउ गरेर अनुसन्धान अघि बढाएको जिल्ला प्रहरी परिसर काठमाण्डौका प्रवक्ता अपिलराज बोहोराले जानकारी दिनुभयो ।

प्रहरीका अनुसार जडिबुटी चोक नजिकै सडक किनारमा रोकिराखिएको बसमा एक स्कुटर ठोक्किँदा दुर्घटना भएको हो । उक्त स्कुटरमा सवार दुई जनाको घटनास्थलमै ज्यान गएको प्रहरीले जनाएको छ ।