वीरगञ्जमा हैजा फैलिँदै, संक्रमितको संख्या बढ्दै।

भक्तपुर – पर्साको वीरगञ्जमा हैजाको सङ्क्रमण तीव्र रूपमा फैलिएको छ । पछिल्लो तथ्यांकअनुसार संक्रमितको संख्या बढेर १ सय ५० पुगेको स्थानीय स्वास्थ्य निकायले जनाएको छ ।

गत सातादेखि लगातार बिरामीको चाप बढ्दै गएको छ । झाडापखाला र पेट दुख्ने लक्षण देखिएका बिरामीहरूको परीक्षण गर्दा हैजाको जीवाणु पुष्टि भइरहेको चिकित्सकहरूले बताएका छन । हिजो मात्रै थप झाडापखालाका ८४ जना नयाँ बिरामी थपिएका छन ।

अहिलेसम्म झाडापखालाका छ सय २५ बिरामीहरु भर्ना भएकोमा एक सय ५० जनामा हैजा सङ्क्रमण देखिएको हो । एक सय ८७ जनाको विभिन्न अस्पतालहरुमा उपचार भइरहको स्वास्थ्य कार्यालय पर्साले जनाएको छ । सङ्क्रमण नियन्त्रणका लागि स्थानीय तह र स्वास्थ्यकर्मीले सरसफाइ, सुरक्षित खानेपानी प्रयोग र जनचेतनामूलक अभियानलाई तीव्रता दिएका छन ।

स्वास्थ्य कार्यालयले अत्यावश्यक अवस्थामा मात्र बाहिर निस्कन, उमालेर मात्र पानी पिउन र खानपानमा विशेष ध्यान दिन नागरिकलाई आग्रह गरेको छ।