‘जेन जी’ प्रदर्शनमा गोली प्रहार एकको मृत्यु, कैयौं घाइते ।

भक्तपुर – ‘जेन जी’ नामक समूहले आयोजना गरेको प्रदर्शनका क्रममा गोली प्रहार हुँदा एक जनाको ज्यान गएको छ । भने कैयौं घाइते भएका छन ्। प्रदर्शनलाई नियन्त्रणमा लिन सुरक्षा निकाय र प्रदर्शनकारीबीच झडप भएको समयमा गोली चल्दा घटना भएको प्रारम्भिक जानकारी आएको छ।

बानेश्वरको प्रदर्शनमा घाइते भएकाको उपचारका क्रममा सिभिल अस्पतालमा एक जनाको ज्यान गएको अस्पतालले जनाएको छ । सिभिल अस्पतालका निर्देशक डा. मोहनचन्द्र रेग्मीले एक जनाको ज्यान गएको र अहिले अस्पताल घाइतेहरूले भरिन थालेको जानकारी गराउनभुएको छ । ज्यान गुमाउने व्यक्तिको विवरण खुलिसकेको छैन ।

सिभिल अस्पतालभित्रका अरू बिरामीलाई उठाएर प्रदर्शनकारी घाइतेलाई राख्नुका साथै कतिपय शय्या बाहिर निकालेर घाइतेको उपचार भइरहेको छ । यस्तै बानेश्वरको एभरेस्ट अस्पताल पनि घाइतेहरूले भरिन थालेको छ ।यस घटनापछि स्थानीयवासी र प्रदर्शनकारी आक्रोशित भएका छन्। घटनाबारे विस्तृत विवरण सार्वजनिक गर्ने तयारी भइरहेको सम्बन्धित निकायले जनाएको छ ।