उपत्यका भित्र कफ्र्यु आदेश जारी भए पनि प्रदर्शन रोकिएन कलंकी र सातदोबाटोमा टायर बाल्दै , अवस्था झनै जटिल बन्दै ।

२४ भदौ मंगलबार
बबिता परियार
भक्तपुर – राजधानीका विभिन्न क्षेत्रमा विरोध प्रदर्शन तीव्र बनेसँगै कलंकी र सातदोबाटो क्षेत्रमा आन्दोलनकारीहरूले टायर बाल्दै सडक अबरुद्ध गरेका छन ।
नयाँ पुसताका युवा जेनजीको प्रदर्शनमा प्रहरी दमन भएको विरोधमा आज देशैभर आन्दोलन भइरहेको छ । कफ्र्यु आदेशका बाबजुत पनि देशका धेरै ठाउँमा युवाहरुले प्रदर्शन गरिरहेका छन् ।

बिहानदेखि सुरु भएको प्रदर्शनका कारण यातायात अवरुद्ध भएको छ । भने सर्वसाधारणलाई आवतजावतमा समस्या भएको छ । काठमाडौं उपत्यका तीनै जिल्लामा कफ्र्यु आदेश भए पनि सबै ठाउँमा प्रदर्शन भइरहेको छ ।उपत्यकामा चक्रपथभित्र कफ्र्यु आदेश जारी गरिएको छ । तर, प्रदर्शन रोकिएको छैन ।
ललितपुरमा रहेको सञ्चारमन्त्रीको घरमा आगजनी भइसकेको छ । सोमबार प्रहरीले गोली चलाएको नयाँ बानेश्वर क्षेत्रमा बिहानैदेखि प्रदर्शन भइरहेको छ ।

सातदोबाटो र कलंकीस्थित चक्रपथ सडकमै प्रदर्शनकालीले टायर बालेर प्रदर्शन गरिरहेका छन् । सुरक्षाकर्मीहरूले स्थिति नियन्त्रणमा लिन प्रयास गरिरहेका छन ्। यद्यपि, प्रदर्शनकारीहरू सडकमा नारा लगाउँदै सरकारप्रति असन्तुष्टि प्रकट गरिरहेका छन् । टायर जलाउँदा वातावरण प्रदूषणसँगै धुवाँले वरपरका क्षेत्रमा असुविधा भएको छ । प्रदर्शनका कारण सार्वजनिक यातायात, निजी सवारीसाधन र व्यापारी गतिविधि प्रभावित भएका छन् । प्रशासनले शान्ति सुरक्षा कायम राख्न सबैलाई संयमता अपनाउन आग्रह गरेको छ।