त्रिभुवन अन्तर्राष्ट्रिय विमानस्थल आज बेलुकासम्म बन्द रहने ।

भक्तपुर – त्रिभुवन अन्तर्राष्ट्रिय विमानस्थल आज बेलुका ६ सम्मका लागि बन्द रहने भएको छ । विमानस्थलका प्रवक्ता रिञ्जी शेर्पाका अनुसार अर्को निर्णय नभएसम्म विमानस्थलबाट सम्पूर्ण उडान बन्द गरिएको तर आपत्कालीन उडान र मेडिकल उडान भने सञ्चालन निर्णय गरेको हो । विमानस्थल बन्द भएपछि देशभित्रका र अन्तर्राष्ट्रिय उडान प्रभावित भएका छन् ।

यात्रुहरूलाई असुविधा नहोस् भन्ने उद्देश्यले सम्बन्धित एयरलाइन्सहरूले वैकल्पिक व्यवस्था मिलाउने प्रयास भइरहेको प्राधिकरणले जनाएको छ । बेलुका पछि मात्र अवस्था सामान्य बनेर उडान सञ्चालनमा आउने अनुमान उपत्यकाभित्र विभिन्न ठाउँमा भएको आगजनीबाट विमानस्थल वरपर एवम् उडान तथा अवतरण मार्गमा देखिएको धुँवा तथा अन्य कारण सुरक्षामा गम्भीर असर देखा पर्ने भएकाले विमानस्थल बन्द गरिएको नेपाल नागरिक उड्डयन प्राधिकरणले जनाएको छ ।