दशैँ–तिहारमा अग्रिम टिकट बुकिङ नखुल्ने, ठग्नेहरूमाथि कारबाही हुने चेतावनी।

भक्तपुर -यस वर्षको दशैँ, तिहारलगायतका चाडपर्वका लागि अग्रिम टिकट बुकिङ नखुल्ने भएको छ । यातायात व्यवसायीहरूबीच आवश्यक तयारी र सहमति नजुटेकाले अग्रिम टिकट बिक्री थाल्न नसकिएको हो । चाडपर्वमा गाउँ जाने यात्रुको चाप बढ्ने भए पनि अग्रिम टिकट बुकिङ नखुल्दा यात्रुहरू अलमलमा परेका छन् । सामान्यतया असोजको पहिलो सातादेखि अग्रिम टिकट बिक्री सुरु हुने परम्परा रहे पनि यसपटक यात्रु व्यवस्थापन, भाडा दर र सुरक्षासम्बन्धी टुंगो नलागेकाले बुकिङ स्थगित गरिएको यातायात व्यवसायीहरूले बताएका छन् ।

यात्रुहरू भने चाडपर्वमा सहज आवागमनका लागि सरकारले आवश्यक पहल गर्नुपर्नेमा जोड दिएका छन् ।’जेन–जी’ को आन्दोलनपछि विश्वविद्यालय, कलेजहरू बिदा भएपछि विद्यार्थीहरू घर जाने क्रम शुरू भइसकेकाले यस वर्ष दशैँलाई लक्षित गरेर अग्रिम टिकट बुकिङको व्यवस्था नगर्ने निर्णयमा पुगेको यातायात व्यवसायी राष्ट्रिय महासङ्घका अध्यक्ष विजयबहादुर स्वाँरले जानकारी दिनुभयो ।

दशैँ, नजिकिए सँगै यस वर्षको दशैँ, तिहारलगायतका चाडपर्वका लागि अग्रिम टिकट बुकिङ नखुल्ने भएको छ । काठमाण्डौको मीन भवनमा रहेको यातायात व्यवस्था विभागको कार्यालयमा आज बसेको सम्बद्ध सबै पक्षको बैठकले मानिसहरू घर जाने क्रम भइसकेकाले दशैँका लागि भनेर अग्रिम टिकट खुला गर्न आवश्यक नभएको निष्कर्ष निकालेका हुन् ।

’जेन–जी’ को आन्दोलनपछि विश्वविद्यालय, कलेजहरू बिदा भएपछि विद्यार्थीहरू घर जाने क्रम शुरू भइसकेकाले यस वर्ष दशैँलाई लक्षित गरेर अग्रिम टिकट बुकिङको व्यवस्था नगर्ने निर्णयमा पुगेको यातायात व्यवसायी राष्ट्रिय महासङ्घका अध्यक्ष विजयबहादुर स्वाँरले जानकारी दिनुभयो । उहाँले दशैँका लागि घर जानेहरूले ३/४ दिन अगाडि नै बसको टिकट लिने व्यवस्था मिलाइएको पनि बताउनुभयो ।