बेनीघाट र मुग्लिन नजिकैको पहिरोले यात्रुको बिचल्ली ।

भक्तपुर – निरन्तर वर्षासँगै गएको पहिरोका कारण पृथ्वी राजमार्गको बेनीघाट र मुग्लिन नजिकै यातायात अवरुद्ध भएको छ । मंगलबार आज बिहानदेखि गएको ठूलो पहिरोले सडक अवरुद्ध हुँदा सयौँ सवारी साधन बीच बाटोमै रोकिएका छन्।

सडक अवरुद्ध भएपछि यात्रुहरूलाई ठूलो कठिनाइ भएको छ । लामो दूरीका बस, मालबाहक ट्रक र व्यक्तिगत सवारी साधन राजमार्गमा घण्टौँदेखि अलपत्र परेका छन । कतिपय यात्रुले बाटोमै खाना–पानीको अभावमा सास्ती भोग्नुपरेको गुनासो गरेका छन्।

इलाका प्रहरी कार्यालय र सडक डिभिजन कार्यालयका टोलीले पहिरो पन्छाउने कार्य सुरु गरेको भए पनि सुखा पहिरोले समस्या थपिएको छ । डोजर र एक्साभेटर परिचालन गरेर सडक खुलाउने प्रयास भइरहेको छ।

सडक अवरुद्ध हुँदा काठमाडौं–पोखरा तथा काठमाडौं–चितवन–बुटवलतर्फ गएका यात्रु बढी प्रभावित भएका छन्। सडक कहिले खुल्ने भन्ने निश्चित नभएको प्रहरीको भनाइ छ। स्थानीय प्रशासनले यात्रुलाई अत्यावश्यक काम बाहेक तत्कालका लागि लामो दूरीको यात्रामा ननिस्कन आग्रह गरेको छ ।