नागरिक उड्डयन प्राधिकरणले हवाई टिकटको भाडा नबढाउनु, गयो निर्देशन ।

भक्तपुर – नागरिक उड्डयन प्राधिकरणले आन्तरिक हवाई उडानमा टिकट भाडा नबढाउन निर्देशन दिएको छ । चाडपर्व नजिकिँदै गर्दा यात्रुको भीड बढ्ने देखिएपछि प्राधिकरणले एयरलाइन्स कम्पनीलाई भाडा वृद्धि नगर्न चेतावनी दिएको हो। प्राधिकरणका अनुसार अनुमति प्राप्त दररेट भन्दा बढी शुल्क लिने वा मनपरी भाडा तोक्ने कम्पनीहरू माथि कारबाही गर्ने भएको छ ।

अहिलेको विषम अवस्था, सडकको जोखिमलगायतको मौका छोपेर हवाई टिकटको भाडा महँगो भएको गुनासो आएको भन्दै सरकारले तोकेको अधिकतम मूल्यभन्दा कम मूल्यमा हवाई टिकट बिक्री गरी यात्रुलाई राहत दिन सबै पक्षलाई अनुरोध गरिएको उहाँले जानकारी दिनुभयो । यात्रुलाई सहज र सुरक्षित सेवा उपलब्ध गराउन हवाई सेवा प्रदायकलाई नियमित अनुगमन समेत गर्ने प्राधिकरणले जनाएको छ।

चाडपर्वका बेला यात्रुहरूको चाप बढ्ने भए पनि भाडा वृद्धि गर्न कानूनी हैसियत नभएको प्राधिकरणले स्पष्ट पारेको छ । यात्रुले तोकिएको भन्दा बढी रकम तिर्नुपरे तुरुन्तै प्राधिकरणलाई जानकारी दिन आग्रह गरिएको छ। नेपालमा दैनिक १० हजार यात्रुले आन्तरिक उडान गर्ने गरेको तथ्याङ्क छ । प्राधिकरणका सूचना अधिकारी भुलले दशैँ, तिहारजस्ता पर्वमा त्यो सङ्ख्या बढेर दैनिक १८ हजारसम्म यात्रु हुने गरेकाले अतिरिक्त उडानको पनि व्यवस्था गरिएको बताउनुभयो ।