पिकअप गाडीको ठक्करले सिन्धुलीमा पैदलयात्रीको मृत्यु ।

भक्तपुर – सिन्धुलीको दुधौली नगरपालिका – ४ कमला खोचस्थित मदन–भण्डारी राजमार्गमा पिकअप गाडीले पैदलयात्रीलाई ठक्कर दिंदा एक वृध्दाको मृत्यु भएको छ । आज बिहान काठमाडौंबाट कटारी तर्फ जाँदै गरेको प्र.१–०२–००२ च ५४२५ नम्बरको कुरियर लोड पिकअप गाडीले पैदलयात्रीलाई ठक्कर दिएको हो ।

दुधौली– १ गिजियानी बस्ने अन्दाजी ६०\६५ वर्षका मोहन धामी रहेको जिल्ला प्रहरी कार्यालय सिन्धुलीका प्रमुख लालध्वज सुवेदीले जानकारी दिए । गाडीको ठक्करबाट टाउको र शरीरका विभिन्न भागमा चोट लागेको थियो ।

उपचारका लागि स्थानिय कमलाखोच अस्तपाल लगेका थिए । उपचारको लागि नगर अस्पताल सिर्थौली पठाइएकोमा अस्पतालले मृत घोषणा गरेको थियो । ठक्कर दिने पिकअप र चालक झापा सिवसतासी नगरपालिका–७ घर भएका २९ वर्षीय अविशेक अधिकारीलाई इलाका प्रहरी कार्यालय डकाहाको नियन्त्रणमा लिई अनुसन्धान भइरहेको प्रहरीले जनाएको छ ।