नेप्से १०.८७ अंकले बढ्यो, कारोबार ५ अर्ब १३ करोड रुपैयाँ नजिक ।

भक्तपुर – नेप्से परिसूचक आज १० दशमलव ८७ अङ्कले बढेर २ हजार ६ सय ३३ दशमलव ७६ विन्दुमा पुगेको छ । आज धेरैजसो समूहको शेयर बढेकोले उत्पादन समूहको शेयर सबैभन्दा धेरै १ दशमलव ६१ प्रतिशतले उकालो लागेको छ । आज एसवाई प्यानल नेपाल र न्यादी हाइड्रोपावर कम्पनीको शेयर १० प्रतिशतले बढेको छ । समग्रमा बजार बढेको दिन वीन नेपाल लघुवित्त कम्पनीको शेयर भने सबैभन्दा धेरै १० प्रतिशतले घटेको छ ।

आज नेप्सेसँगै कारोबार रकम पनि बढेको छ । अस्ति सोमवार ४ अर्ब ७७ करोडको कारोबार भएकोमा आज ३ सय ४२ वटा कम्पनीका १ करोड १९ लाख कित्ता शेयर ५ अर्ब १३ करोड रुपैयाँमा किनबेच भएको छ । बजार सहभागिहरूका अनुसार आजको सकारात्मक प्रदर्शनले सामान्य लगानीकर्ता मनोबलमा सुधार ल्याएको देखिन्छ।

तर, आगामी सेसनहरूमा बजारमा उतार–चढाव रहन सक्छ र नीतिगत दिशा, विदेशी लगानी र समूहगत गतिविधिहरूले थप प्रभाव पार्ने सम्भावना रहेको विश्लेषकहरूले बताएका छन्।