कफ्र्यु हटेपछि,वीरगञ्जको जनजीवन सामान्य बन्दै ।

भक्तपुर — केही दिनदेखि जारी तनाव र कफ्र्युका कारण प्रभावित भएको वीरगञ्जको जनजीवन क्रमशः सामान्य बन्दै गएको छ ।
। दुई फरक समुदायबीच उत्पन्न तनावका कारण केही दिनदेखि अशान्त बनेको पर्साको वीरगञ्जमा हिन्दू–मुस्लिम समुदायका अगुवा र जिल्लामा क्रियाशील राजनीतिक दलबीच पाँच बुँदे सहमति भएपछि जनजीवन सामान्य बन्न थालेको हो ।

वीरगञ्ज क्षेत्रमा तनाव ग्रस्त भएपछि स्थिति नियन्त्रणमा लिन जिल्ला प्रशासन कार्यालय पर्साले जारी गरेको कफ्र्यू आदेशका कारण अस्ति र हिजो वीरगञ्जमा जनजीवन प्रभावित भएको थियो ।अवस्था सुधार हुँदै गएपछि बजार–व्यवसाय खुल्न थालेका छन् । भने सवारी आवागमन पनि आंशिक रूपमा सञ्चालनमा आएको छ ।

सुरक्षा निकायको सक्रियता र प्रशासनको पहलपछि क्षेत्रमा शान्ति कायम हुँदै गएको स्थानीय प्रशासनले जनाएको छ । विद्यालय, बैंक तथा वित्तीय संस्था क्रमशः सञ्चालनमा आउन थालेका छन्।
स्थानीयवासीले स्थिति सामान्य बन्दै गएको भन्दै राहत महसुस गरेका छन्। यद्यपि, सुरक्षा सतर्कता भने अझै कायमै राखिएको प्रशासनको भनाइ छ।