काठमाडौंका मेयर बालेन शाहले आज पदभार सम्हाल्ने

भक्तपुर/काठमाडौं महानगरपालिकाका नवनिर्वाचित मेयर बालेन शाहले आज पद तथा गोपनीयताको सपथ लिएर पदभार सम्हाल्ने भएका छन्।
वैशाख ३० मा भएको स्थानीय चुनावबाट स्वतन्त्र उम्मेदवार शाह मेयर निर्वाचित भएका थिए।
काठमाडौं महानगरपालिकाका नवनिर्वाचित जनप्रतिनिधिहरूले आज पद तथा गोपनीयताको शपथग्रहण गर्ने भएका छन् । प्रमुख, उपप्रमुख, वडाध्यक्ष र वडा सदस्यले शपथग्रहण गर्ने भएका हुन् ।
बिहान ११ बजे काठमाडौंका मुख्य निर्वाचन अधिकृतले महानगर प्रमुखमा निर्वाचित बालेन्द्र साह (बालेन)लाई शपथग्रहण गराउने कार्यक्रम छ । त्यसपछि प्रमुख साहले अरू जनप्रतिनिधिहरूलाई शपथ गराउनेछन् ।
राष्ट्रिय सभागृहमा हुने शपथपछि आजै प्रमुख साह र उपप्रमुख सुनीता डंगोलले कार्यालयमा पुगेर पदभार ग्रहण गर्नेछन् ।