नेमकिपा अध्यक्ष बिजुक्छे निवास पुगेर समाजवादीका सम्मानित नेता खनालद्वारा समवेदना व्यक्त

भक्तपुर/नेकपा एकीकृत समाजवादीका सम्मानित नेता झलनाथ खनालले नेपाल मजदुर किसान पार्टीका अध्यक्ष नारायणमान बिजुक्छेँसँग भेट गरी समवेदना प्रकट गर्नु भएको छ । क्यान्सर रोगको उपचारको क्रममा गत साता अध्यक्षकी पत्नी शोभा प्रधानको निधन भएको थियो । नेकपा (एकिकृत समाजवादी)का सम्मानित नेता खनालले बिजुक्छे निवास पुगेर समवेदना तथा पत्नी शोभा प्रधानप्रति श्रद्धाञ्जली व्यक्त गर्नुभएको छ ।

एकिकृत समाजवादी पोलिट ब्युरो ,वाग्मती प्रदेश सभा सदस्य क.डा.राजेन्द्रमान श्रेष्ठ ,केन्द्रीय सदस्य क.भवानी खड्का, भक्तपुर जिल्ला कमिटी अध्यक्ष क श्यामसुन्दर बस्नेत सह-सचिव रामगोपाल चगुठी सचिवालय सदस्य एवं कार्यलय सचिव छन्द बिज्ञान निरौला,शिक्षक महासंघ भक्तपुरका अध्यक्ष राम प्रसाद न्यौपाने , जिल्ला कमिटि सदस्य नारायण बहादुर नायवा,जिल्ला कमिटि सदस्य अन्जना पोख्रेल सहित बिजूक्छेँ निवास पुगेर बिजुक्छेँको पत्नी प्रधानप्रति श्रद्धाञ्जली अर्पण गर्दै परिवारजनमा समवेदना प्रकट गर्नु भएको हो ।

समवेदना व्यक्त गर्न सम्मानित नेता खनाल शुक्रबार बिजुक्छे निवास पुगनुभएको हो । क्यान्सर रोगबाट पीडित बिजुक्छे पत्नी शोभाको गत साता उपचारका क्रममा निधन भएको थियो ।
क्यान्सर रोगको औषधि नेपालमा उपलब्धता जटिल रहेको र सरकारले समेत कुनै पहल नगर्दा निःशुल्क पाउन सकिने औषधिबाट समेत नेपाली बञ्चित हुन परेको बिजुक्छेंले नेता खनाललाइ जानकारी गराउनु भयो ।