भक्तपुर-सुनचाँदीको भाउले कीर्तिमान बनाएको छ । आज सुनको भाउ तोलामा २ हजार ७ सय रुपैयाँले बढेर तोलाको २ लाख ८४ हजार ७ सय रुपैयाँ पुगेको छ । हिजो सुन तोलाको २ लाख ८२ हजार रुपैयाँ थियो । त्यस्तै चाँदी पनि आज तोलामा ७० रुपैयाँले बढेको छ । आज चाँदीको भाउ तोलाको ५ हजार ८ सय ८० रुपैयाँ पुगेको नेपाल सुनचाँदी व्यवसायी महासंघले जनाएको छ । चाँदी हिजो तोलाको ५ हजार ८ सय १० रुपैयाँमा कारोबार भएको थियो ।

भक्तपुर- आउँदो फागुन २१ गते हुने प्रतिनिधिसभा चुनावमा राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र (बालेन) शाहले प्रतिनिधिसभा सदस्य चुनावका लागि झापा क्षेत्र नम्बर ५ बाट उम्मेदवारी दर्ता गराउनुभएको छ । यसअघि हिजो जनकपुरमा पार्टी सभापति रवि लामिछानेबाट टिकट लिनुभएका शाहले निर्वाचन अधिकृतको कार्यालय पुगेर शाहले आवश्यक कागजात सहित उम्मेदवारी दर्ता गराएउनु भएको छ । उम्मेदवारी दर्तापछि कार्यकर्तालाई सम्बोधन गर्दै परिवर्तनको एजेन्डा बोकेर चुनावमा प्रतिस्पर्धा गर्न लागेको बताउनुभएको थियो । उम्मेदवारी दर्तापछि सञ्चारकर्मीसँग कुरा गर्दै शाहले सुशासन, भ्रष्टाचार नियन्त्रण र विकासलाई आफ्नो प्रमुख एजेन्डा बनाउने बताए। झापा–५ मा स्वतन्त्र

भक्तपुर – नेकपा एमालेका अध्यक्ष केपी शर्मा ओली गृहजिल्ला झापा पुगेका छन्। उनी केही समयअघि हवाइमार्ग हुँदै भद्रपुर विमानस्थलमा अवतरण गरेका हुन्।फागुन २१ गते हुने प्रतिनिधिसभा निर्वाचनका लागि निर्वाचनको तयारी तथा राजनीतिक भेटघाटका लागि उनी झापा पुगेको बताइएको छ। ओली झापा–५ बाट उम्मेदवार बन्ने तयारीमा छन । भने राष्ट्रिय स्वतन्त्र पार्टीका वरिष्ठ नेता बालेन्द्र शाह (बालेन) पनि झापा–५ बाट उम्मेदवार बन्ने निश्चित भइसकेको छ रास्वपाका अनुसार बालेन आज जनकपुरमा आयोजना हुने सभालाई सम्बोधन गरेपछि झापा प्रस्थान गर्ने कार्यक्रम छ। यससँगै झापा–५ मा हुने चुनावी प्रतिस्पर्धा थप रोचक हुने देखिएको छ।

भक्तपुर – आज सोनाम ल्होसार तामाङ समुदायले विभिन्न कार्यक्रम गरी मनाउँदै छन् हरेक वर्ष माघ शुक्ल प्रतिपदाका दिन मनाउने सोनाम ल्होसार पर्व नेपाल भर मनाउदै छन् । आजदेखि सर्प वर्ष पूरा गरी घोडा वर्ष प्रवेश हुन्छ । मञ्जुश्री पात्रो अनुसार आजदेखि २८६२ औँ वर्ष शुरू भएको छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ । ल्होसारका १२ वटै वर्ष पशुपन्छीको नामबाट गणना गरिएकाले प्रकृति पूजक रहेको अनुसन्धाता टीका शेर्पाले बताउनुभयो । ४ हजार ७

भक्तपुर — काठमाडौँ महानगरपालिकाका मेयर प्रमुख बालेन्द्र शाह (बालेन)ले राजीनामा दिने घोषणा गर्नुभएको छ। बालेनले आजै राष्ट्रिय स्वतन्त्र पार्टी (रास्वपा)को केन्द्रीय बैठकमा सहभागी हुने कार्यक्रम रहेको छ। राजीनामासँगै बालेनको सक्रिय राजनीतिक यात्रा औपचारिक रूपमा अघि बढ्ने संकेत देखिएको छ । उम्मेदवार टुंगो लगाएर सभापति रवि लामिछाने र बालेन आजै जनकपुर जाने कार्यक्रम छ । बालेन झापा क्षेत्र नम्बर ५ बाट चुनाव लड्ने तयारीमा छन् । त्यसका लागि रास्वपाले सम्पर्क कार्यालय स्थापना गरिसकेको छ । रास्वपाको बैठकमा समसामयिक राजनीतिक अवस्था, आगामी रणनीति तथा सम्भावित भूमिकाबारे छलफल हुने बताइएको छ। यस विषयमा

भक्तपुर – नेपाली कांग्रेसका सभापति शेरबहादुर देउवापक्षीय समूहले पार्टीभित्र गठन गरिएको आयोगको निर्णयविरुद्ध भोलि सर्वोच्च अदालत जाने निर्णय गरेको छ। आयोगको निर्णय अस्वीकार्य र पार्टी विधानविपरीत रहेको विशेष महाधिवेशनबाट निर्वाचित गगन थापाको समूहलाई दिएपछि देउवा पक्ष समूह सर्वोच्च अदालत जाने भन्दै देउवा पक्षले कानुनी बाटो खोज्न लागेका हुन् । देउवापक्षीय नेताहरूका अनुसार आयोगले गरेको निर्णयले पार्टीको आन्तरिक लोकतन्त्र कमजोर बनाएको र केही व्यक्तिको हितलाई मात्र प्राथमिकता दिएको आरोप लगाइएको छ। विशेष महाधिवेशनको नाममा गरिएको भेलाको औचित्य, वैधानिकता, उपस्थित सङ्ख्या समेत आयोगले नहेरिकन दुषित मनसायले आयोगले निर्णय गरेको उहाँको दाबी छ

भक्तपुर – नेपाली कांग्रेसका उपसभापति पूर्णबहादुर खड्काले विशेष महाधिवेशनको माग गर्दै नाम दर्ता गराएका मध्ये ८ सय ८५ जना हस्ताक्षरकर्ताले हस्ताक्षर फिर्ता लिएको दाबी गर्नुभयो । काठमाडौँमा आयोजित कार्यक्रममा बोल्दै खड्काले पार्टीभित्र देखिएको असन्तुष्टि संवाद र सहमतिबाट समाधान हुँदै गएको बताउनुभयो। उहाँले विशेष महाधिवेशनको पक्षमा हस्ताक्षर गरेका धेरै नेताहरू पार्टी नेतृत्वसँगको छलफलपछि आफ्नो धारणा परिवर्तन गरी मूल धारमा फर्किएको दाबी गर्नुभयो। उपसभापति खड्काले पार्टीलाई एकताबद्ध बनाउँदै संगठन सुदृढीकरणमा केन्द्रित हुने नेतृत्वको नीति रहेको उल्लेख गर्नुभयो। उहाँका अनुसार आन्तरिक मतभेदलाई संवादमार्फत समाधान गर्दै आगामी राजनीतिक चुनौती सामना गर्न कांग्रेस तयार हुँदैछ।

भक्तपुर – आज २८ औँ राष्ट्रिय भूकम्प सुरक्षा दिवस देशभर विभिन्न जनचेतना मूलक कार्यक्रमको साथ मनाइँदैछ । ‘सबै तहका सरकार, सबै नागरिकको तयारी ः भूकम्प उत्थानशील नेपाल अबको जिम्मेवारी’ भन्ने नाराका साथै दिवसको अवसरमा भूकम्पबाट हुने जोखिम न्यूनीकरण, सुरक्षित संरचना निर्माण तथा विपद् पूर्व तयारीका विषयमा सचेतना फैलाउने उद्देश्यले सरकारी तथा गैरसरकारी निकायले विभिन्न कार्यक्रमक आयोजना गरेका छन्। भूकम्प सुरक्षा दिवसको अवसरमा प्रभातफेरी, गोष्ठी, अन्तरक्रिया, अभ्यास तथा सचेतनामूलक कार्यक्रम सञ्चालन गरिएको छ। सरोकारवाला निकायले भूकम्प प्रतिरोधी भवन निर्माण, पुराना तथा जोखिमयुक्त संरचनाको पहिचान र विपद्को समयमा अपनाउनुपर्ने सुरक्षात्मक उपायबारे जानकारी