करिब ४० जना विद्यार्थी सवार बसमा आगलागी, विद्यार्थीको सकुशल उद्धार

२५ वैशाख, भक्तपुर ।
रुपन्देहीमा विद्यार्थी बोकेर गुडिरहेको एक निजी स्कुलको बसमा आगलागी भएको छ । आगलागीबाट विद्यालयको लु१क १३२६ नम्बरको बस भने पूर्णरूपमा क्षति भएको प्रहरीले जनाएको छ ।

शुद्धोधन गाउँपालिका९४ फर्साटिकरमा सञ्चालित लिटिल फ्लावर बोर्डिङ स्कुलको बसमा अचानक धुवाँ सहित आगो लागेको हो ।

उक्त बसका चालक, सहचालक र स्थानीयले विद्यार्थीलाई बस बाहिर निकालेर मानवीय क्षति हुनबाट बचाएको डीएसपी कार्कीले बताउनु भयो । गुडिरहेको बसमा करिब ४० जना विद्यार्थी रहेका थिए ।

बसमा लागेको आगो दमकलले निभाएको थियो । बसको यान्त्रिक खराबीका कारण आगलागी भएको प्रारम्भिक अनुसन्धानबाट खुलेको डीएसपी कार्कीले बताए ।