पुर्व गृहमन्त्री रवि लामिछानेको बन्दीप्रत्यक्षीकरणको रिट, न्यायाधीशद्वय ढकाल र सुवेदीको इजलासमा ।

भक्तपुर-पुर्व गृहमन्त्री रवि लामिछानेको आज बन्दीप्रत्यक्षीकरणको रिटको पेसी तोकिएको छ । ६ पटकसम्म हेर्न नमिल्नेमा परेको पेसीे आज न्यायाधीशद्वय बालकृष्ण ढकाल र डा.नहकुल सुवेदी को इजलासमा परेको छ । उक्त रिटमा सोमबार लामिछानेका पक्षबाट बहस गर्ने वकिल न्यायाधीशका नातेदार परेपछि न्यायाधीशले पेशी हेर्न नमिल्नेमा राखेका थिए ।
लामिछानेको तर्फबाट उनकी श्रीमती निकिता पौडेलले गैरकानुनी थुनामा राखिएको जिकिर सहित सर्वोच्च अदालतमा बन्दीप्रत्यक्षीकरण रिट दायर गरेकी थिईन् । रवि हाल उच्च अदालतको आदेशले जिल्ला कारागार कार्यालय रुपन्देहीमा थुनामा छन् ।