रामेछाप विमानस्थल सुनसान, नियमित उडान स्थगित।

भक्तपुर – केही वर्षयता लुक्ला जाने पर्यटकका लागि वैकल्पिक केन्द्रको रूपमा परिचित रामेछाप विमानस्थल हाल सुनसान बनेको छ। नियमित उडान नहुँदा विमानस्थलमा चहलपहल हराएको हो ।

दशै–तिहारजस्ता पर्व वा पर्यटनको सिजनमा यहाँबाट दैनिक दर्जनौँ उडान सञ्चालन हुने गरे पनि हाल उडान स्थगित भएपछि विमानस्थल सुनसान बनेको स्थानीयले बताएका छन् ।नियमित उडान बन्द भएपछि स्थानीय व्यापारीदेखि यातायात व्यवसायी प्रभावित भएका छन्। होटल, लज, रेष्टुरेन्ट व्यवसायसमेत सुस्ताएका छन्।

नागरिक उड्डयन प्राधिकरणका अनुसार यात्रुको चाप घटेपछि उडान सञ्चालनमा कठिनाइ भएको हो । मन्थली नगरपालिकाका मेयर लव श्रेष्ठका अनुसार रामेछाप विमानस्थलमा नियमित उडानका लागि पहल गरेको तर सम्बन्धित जिम्मेवार निकायले चासो नदिएको बताउनु भयो ।