काडामाण्डौमा ‘वडा अध्यक्ष कप’ भलिबल प्रतियोगिता आजदेखी सुरु ।।

तिर्थ नेपाली —डोटी, असोज १८
डोटी जिल्लाको पूर्वीचौकी गाउँपालिका–५ काडामाण्डौमा दीपावलीको अवसरमा आयोजित ‘वडा अध्यक्ष कप भलिबल प्रतियोगिता’ शनिबारदेखि सुरु भएको छ।

“राष्ट्रका लागि खेलकुद, स्वास्थ्यका लागि खेलकुद” भन्ने मूल नारासहित सुरु भएको प्रतियोगिता असोज २० गतेसम्म सञ्चालन हुनेछ।

कार्यक्रमका प्रमुख अतिथि तथा पूर्वीचौकी गाउँपालिका अध्यक्ष रामप्रसाद उपाध्यायले उद्घाटन गर्दै खेलकुद क्षेत्रको विकासमा आफुले गरेको प्रयासबारे जानकारी दिनुभयो। उहाँले भन्नुभयो, “जननिर्वाचित भएपछि मैले भलिबल प्रशिक्षक नियुक्त गरेर खेलाडीको विकासमा टेवा पुर्‍याएको छु। खेलमैदान निर्माण गर्न चाहन्छौं, तर आवश्यक जग्गा अभाव छ।”

उद्घाटन कार्यक्रममा वडा अध्यक्ष तथा कार्यक्रमका सभापति खड्कबहादुर साउद, वडा सदस्य बहादुर धानुक, स्वास्थ्य शाखा इन्चार्ज पूर्ण धानुक, इलाका प्रहरी चौकी सानागाउँका असई ईश्वरी पाण्डे, पत्रकार तिर्थ नेपालीलगायतको उपस्थिति थियो।

तीन दिनसम्म सञ्चालन हुने प्रतियोगितामा विजेता टोलीले ट्रफी, मेडल र प्रमाणपत्रसहित नगद ३० हजार रुपैयाँ प्राप्त गर्नेछन भने उपविजेताताले २० हजार नगद पाउने भएका छन् त्यसैगरी तेस्रो हुनेले । ट्रफी, मेडल र प्रमाणपत्रसहित नगद १० हजार  पाउने आयोजक काडामाण्डौ युवा क्लबका संयोजक अमित बोगटीले बताए ।

आज पहिलो दिन ३ वटा खेल हुनेछ्न ।स्थानीय युवाहरूको उत्साहजनक सहभागिता रहेको प्रतियोगिताले गाउँस्तरमा खेलकुदको विकास र युवा सहभागिता अभिवृद्धिमा टेवा पुर्‍याउने विश्वास आयोजकको रहेको छ।