वैवाहिक वर्षगाँठमा मानवसेवा आश्रम लाई खाद्यान्न सहयोग

तिर्थ नेपाली
भक्तपुर — पुविचौकी गाउँपालिका–५ निवासी केशव धानुक र अमेरिकामा बसोबास गर्दै आएकी उनकी धर्मपत्नी माया धानुकले आफ्नो तेस्रो वैवाहिक वर्षगाँठको अवसर पारेर मानवसेवा आश्रम, कैलाली सेवाकेन्द्रलाई विभिन्न खाद्यान्न सामग्री सहयोग गरेका छन्।

शुक्रबार आयोजित सादगीपूर्ण कार्यक्रममा दम्पतीले आश्रममा आश्रित करिब २५ देखि ३० जना व्यक्तिहरूका लागि
प्रन्ध हजार बराबरको साझको भोजनको व्यवस्था गरेका हुन् ।
मानवीय सेवा तथा समाजप्रतिको उत्तरदायित्वलाई आत्मसात गर्दै वर्षगाँठ मनाउनु पर्ने संदेश दिन चाहेको दम्पतीले बताए। धानुक दम्पतीले यसअघि पनि वैवाहिक वर्षगाँठका अवसरमा विभिन्न सामाजिक सेवामा सहभागी हुँदै आएका छन्।

मानवसेवा आश्रमका अनुसार दानदाताको निरन्तर साथ, सद्भाव र सहयोगकै कारण सडकपेटी तथा सार्वजनिक स्थलहरूबाट उद्धार गरिएका सहयोगापेक्षी व्यक्तिहरूलाई आश्रमले निरन्तर सेवा प्रदान गर्दै आएको छ।।