माछा मार्ने क्रममा दहमा डुबेर एक पुरुषको मृत्यु ।

भक्तपुर – सिन्धुलीको दुधौली नगरपालिका–६ स्थित कमला खोलामा ६५ वर्षीय अम्मरबहादुर विकको मृत्यु भएको छ ।
आइतबार साँझ ५ बजे ‘माछा मार्न जाने’ भन्दै घरबाट निस्किएका विक रातभरि घर नफर्किएपछि परिवारले खोजतलास गर्दा आज विहान दहमा डुवेको अवस्थामा फेला पारिएको जिल्ला प्रहरी कार्यालय सिन्धुलीका प्रमुख लालध्वज सुवेदीले जानकारी दिनुभएको छ ।

जिल्ला प्रहरी कार्यालय सिन्धुलीका अनुसार सोमवार विहान ११ः३० बजे दुधौली –६ स्थित कमला खोलाको दहमा विकलाई स्थानीयले उत्तानो अवस्थामा मृत फेला पारेका थिए । घटनाबारेमा थप अनुसन्धान भइरहेको प्रहरीले जनाएको छ ।