‘हाम्रो पार्टी नेपाल’का सभापति सुनारद्वारा प्रधानमन्त्री कार्कीको ध्यानाकर्षण

तिर्थ नेपाली
भक्तपुर – हाम्रो पार्टी नेपालका सभापति खगेन्द्र सुनारले प्रधानमन्त्री शुशिला कार्कीलाई भेटेर दलित अधिकारसम्बन्धी चार बुँदे माग अघि सारेका छन्।
शुक्रबार भेटवार्ताको क्रममा सभापति सुनारले आगामी निर्वाचनमा १३ प्रतिशत दलितको प्रत्यक्ष तथा समानुपातिक अनिवार्य सहभागिता सुनिश्चित गर्ने गरी कानुनी व्यवस्था आवश्यक रहेको धारणा राखेका छन्‌ ।

योसँगै, विगतमा हत्या तथा बलात्कारका घटनामा परेका दलित पीडितलाई न्याय र राहत दिन सरकारका पक्षबाट गरिएका सम्झौता तत्काल कार्यान्वयन गर्नुपर्नेमा उनले जोड दिएका छन् ।

सुनारले प्रहरी संगठनभित्रको ‘दलित सेल’लाई प्रभावकारी बनाउने माग गर्दै संविधानले प्रदान गरेको दलित समुदायको अधिकार कार्यान्वयनमा सरकार गम्भीर बन्नुपर्ने बताएका छन्।

उनका अनुसार, दलित समुदायमाथिका पछिल्ला समस्या, अपमान र विभेदलाई अन्त्य गर्न सरकार सक्रिय र जिम्मेवार हुनुपर्ने आवश्यकता प्रधानमन्त्री समक्ष उठाएका हुन् ।