सन्तोषी माता बचत तथा ऋण सहकारी संस्थाको १८औँ साधारण सभा सम्पन्न

तिर्थ नेपाली
काठमाडौँ — सन्तोषी माता बचत तथा ऋण सहकारी संस्था लिमिटेडको १८औँ वार्षिक साधारण सभा सफलतापूर्वक सम्पन्न भएको छ।“भोलिका निम्ति आजै सोचौँ, सुरक्षित भविष्यका लागि सन्तोषी माता रोजौँ” भन्ने नाराका साथ स्थापना भएको उक्त सहकारी संस्थाले शनिबार आयोजना गरेको साधारण सभामा प्रमुख अतिथिका रूपमा इञ्जिनियर दीपक बाबु कडेल तथा सभाध्यक्षका रूपमा संस्थाका निर्वतमान अध्यक्ष सञ्जीव पुडासैनी रहनु भएको थियो। कार्यक्रमको सञ्चालन संस्थाका निर्वतमान सचिव विश्व भट्टले गर्नुभएको थियो।

कार्यक्रममा मन्तव्य व्यक्त गर्दै प्रमुख अतिथि इञ्जिनियर कडेलले सहकारी भनेको जनसहभागितामा आधारित संस्था भएको बताउँदै सेयर सदस्यहरूको मनोबल उच्च राख्न नसकिए सहकारी निष्क्रिय बन्न सक्ने धारणा व्यक्त गर्नुभयो। उहाँले वर्तमान समय उत्पादन, सीप र श्रमको सदुपयोग गर्न सक्नेले नै नेतृत्व गर्ने समय भएको उल्लेख गर्दै सन्तोषी माता बचत तथा ऋण सहकारी संस्थाले राम्रो सपना देखेको बताउनुभयो। साथै उहाँले नवनिर्वाचित कार्यसमितिलाई बधाई तथा सफल कार्यकालको शुभकामना व्यक्त गर्नुभयो।

साधारण सभाबाट सर्वसम्मत रूपमा चयन भएको नयाँ कार्यसमितिको अध्यक्षमा राजेन्द्र प्रसाद सुवेदी चयन हुनु भएको छ। उपाध्यक्षमा सुदन भक्त अधिकारी, सचिवमा कर्म गुरुङ र कोषाध्यक्षमा विश्व भट्ट चयन हुनु भएको छ। यस्तै सदस्यहरूमा रोशन घिमिरे, उर्मिला थापा, दीपा श्रेष्ठ, नवराज बोहरा र शरण अधिकारी चयन हुनु भएको छ।

लेखा समिति संयोजकमा प्रकाश पुडासैनी तथा सदस्यहरूमा जयराम रिजाल र कृष्ण प्रसाद लामिछाने चयन हुनु भएको छ। शाखा उपसमिति संयोजकमा सञ्जीव पुडासैनी चयन हुनु भएको छ भने सदस्यहरूमा ठाकुर देवकोटा, रोशन घिमिरे र विषारद वाग्ले रहनु भएको छ। संस्थाको कानुनी सल्लाहकारमा कृष्ण प्रसाद पनेरु चयन हुनु भएको छ। सबै पदाधिकारी तथा सदस्यहरू ४ वर्षे कार्यकालका लागि निर्वाचित हुनु भएको हो।

कार्यक्रमको अन्त्यमा निर्वतमान अध्यक्ष सञ्जीव पुडासैनीले सहकारीलाई सुदृढ संस्थाका रूपमा स्थापित गर्न पाएकोमा सबै सदस्यप्रति हार्दिक आभार व्यक्त गर्दै नयाँ कार्यसमितिले बाँकी रहेका कार्यहरू सम्पन्न गरी नाम अनुसारकै सन्तोषी माता बचत तथा ऋण सहकारी संस्थालाई अझ उचाइमा पुर्‍याउने विश्वास व्यक्त गर्नुभयो।