ग्यास सिलिण्डर पड्किँदा भारतमा ९ जना नेपाली मृत्यु ।

भक्तपुर – भारतको हिमाचल प्रदेशमा ग्यास सिलिण्डर पड्किँदा ९ जना नेपाली नागरिकको ज्यान गएको छ । विस्फोटमा उनीहरूको घटनास्थलमै मृत्यु भएको सल्यानको सिद्धकुमाख गाउँपालिका–२ का ९ जना नेपालीको ज्यान गएको गाउँपालिकाका सूचना अधिकारी भिमलाल भण्डारीले जानकारी दिनुभयो । घटना हिमाचल प्रदेशको सोलन जिल्ला अर्कीमा क्षेत्रमा भएको हो ।

भण्डारीका अनुसार ३३ वर्षीय धनबहादुर विक, उहाँकी श्रीमती ३२ वर्षीया कविता विक, छोरी १६ वर्षीया राधा विक, १० वर्षीया रेणुका विक र राजन विकको ज्यान गएको हो । लगाएत ४७ वर्षीय काशिरामसहित उहाँको श्रीमती ३२ वर्षीया टीका विक, छोरी १२ वर्षीया अनु विक र छोरा ७ वर्षीय किरण विकको ज्यान गएको वडाध्यक्ष मेघराज बुढाथोकीले निकालेको विज्ञप्तिमा उल्लेख छ । वडाका दुई परिवारका ९ जना सदस्यको ज्यान गएपछि आज वडा नम्बर २ मा शोक बिदा दिइएको छ ।