थारु समुदायले आज माघी पर्वलाई हर्षोल्लासका साथ देशभर मनाईदै ।

भक्तपुर – थारु समुदायले आज माघी पर्व लाई हर्षोल्लासका साथ देशभर मनाई रहेका छन् । साथ आफ्नो प्रमुख पर्व माघीलाई संस्कृति, उत्सव र मुक्तिको स्मृतिका रूपमा रहेका छन । प्रत्येक वर्ष माघ १ गते मनाइने माघी पर्व थारु समुदायको नयाँ वर्षका रूपमा पनि लिइन्छ।

माघी पर्वले थारु समुदायको मौलिक संस्कृति, परम्परा, भाषा र जीवनशैलीलाई उजागर गर्नुका साथै कमैया–कमलरी प्रथाबाट मुक्तिको ऐतिहासिक स्मरण गराउँछ। यस अवसरमा थारु बस्तीहरूमा विशेष परिकार, ढिक्री, माछा, मासु लगायतका खाना पकाउने, नाचगान गर्ने र सामूहिक भोज आयोजना गर्ने चलन छ ।

पर्वका अवसरमा समुदायभित्र नेतृत्व चयन, पारिवारिक छलफल तथा आपसी सम्बन्ध सुदृढ बनाउने गतिविधिहरू पनि गरिन्छ। माघीले सामाजिक एकता, पहिचान र अधिकारप्रतिको चेतनालाई समेत बलियो बनाउँदै आएको जानकारहरू बताउँछन्। देशका विभिन्न स्थानमा सांस्कृतिक कार्यक्रम, झाँकी प्रदर्शन र विशेष समारोह आयोजना गरिएको छ। यसले थारु समुदायको इतिहास, संघर्ष र पहिचानलाई नयाँ पुस्तामा हस्तान्तरण गर्न सहयोग पु¥याएको छ।