८ सय ८५ जना हस्ताक्षरकर्ता फर्किनु भएको कांग्रेसका उपसभापति पूर्णबहादुर खड्काकको भनाई ।

भक्तपुर – नेपाली कांग्रेसका उपसभापति पूर्णबहादुर खड्काले विशेष महाधिवेशनको माग गर्दै नाम दर्ता गराएका मध्ये ८ सय ८५ जना हस्ताक्षरकर्ताले हस्ताक्षर फिर्ता लिएको दाबी गर्नुभयो ।

काठमाडौँमा आयोजित कार्यक्रममा बोल्दै खड्काले पार्टीभित्र देखिएको असन्तुष्टि संवाद र सहमतिबाट समाधान हुँदै गएको बताउनुभयो। उहाँले विशेष महाधिवेशनको पक्षमा हस्ताक्षर गरेका धेरै नेताहरू पार्टी नेतृत्वसँगको छलफलपछि आफ्नो धारणा परिवर्तन गरी मूल धारमा फर्किएको दाबी गर्नुभयो।

उपसभापति खड्काले पार्टीलाई एकताबद्ध बनाउँदै संगठन सुदृढीकरणमा केन्द्रित हुने नेतृत्वको नीति रहेको उल्लेख गर्नुभयो। उहाँका अनुसार आन्तरिक मतभेदलाई संवादमार्फत समाधान गर्दै आगामी राजनीतिक चुनौती सामना गर्न कांग्रेस तयार हुँदैछ। उहाँले पार्टीभित्र देखिएका असहमतिलाई स्वाभाविक प्रक्रिया भन्दै सबैलाई एकताबद्ध भएर अघि बढ्न आग्रह गर्नुभएको छ।