रास्वपाका सभापति रवि लामिछाने अस्पतालमा

भक्तपुर – राष्ट्रिय स्वतन्त्र पार्टी रास्वपाका सभापति रवि लामिछाने महाराजगञ्जस्थित शिक्षण अस्पताल पुगेका छन्। खुट्टामा लागेको चोटको उपचारका लागि शिक्षण अस्पतालमा पुगेका हुन्

लामिछानेको सचिवालयका अनुसार गएको माघ ५ गते जनकपुरको सभामा उपस्थित हुने क्रममा उनको खुट्टामा चोट लागेको थियो।
उक्त चोट बढ्न थालेकाले उपचारका लागि शिक्षण अस्पताल पुगेको उनको सचिवालयले जानकारी दिएको छ। त्रिभुवन विश्वविद्यालय शिक्षण अस्पताल, महाराजगञ्जका चिकित्सकहरूको परीक्षण तथा सल्लाहअनुसार यस प्रकारको संक्रमण जोखिमयुक्त हुन सक्ने भएकाले केही दिन अस्पतालमै चिकित्सकको निगरानीमा राखी उपचार गराउनु अनिवार्य भएको जनाइएको छ।