गणतन्त्र ढाल्ने, प्रधानमन्त्रीलाई हेलिकप्टरमा भाग्न छुट दिने लिङ्देनको चेतावनी ।

जेठ १५ गते देखि सुरू हुने आन्दोलनले गणतन्त्र ढाल्ने र प्रधानमन्त्री ओलीलाई हेलिकप्टरबाट भाग्ने दिने राष्ट्रिय प्रजातन्त्र पार्टीका अध्यक्ष राजेन्द्र लिङ्देनले चेतावनी दिएका छन् ।
गणतन्त्र दिवसकै दिनबाट ‘गणतन्त्र ढाल्ने गरी निर्णायक आन्दोलन थाल्ने’ तयारीका लागि मंगलबार काठमाडौंका सबै स्थानीय तहमा अगुवा कार्यकर्ता भेला आयोजना भएको थियो । राजसंस्था र हिन्दू राष्ट्र पुनःस्थापनाको मागसहित राप्रपा सहितका राजावादी शक्तिहरूले जेठ १५ देखि ’निर्णायक आन्दोलन थाल्ने’ बताउँदै आएका छन् ।
सो कार्यकर्ता भेलालाई सम्बोधन गर्दै अध्यक्ष लिङ्देनले भने ‘सम्झौता नगर्ने हो भने उहाँहरूलाई हेलिकप्टरबाट भाग्ने मौका दिनुपर्छ । र अब हामीले गर्ने आन्दोलन शान्तिपूर्ण हुने, लिङ्देनले बताउनु भयो । राप्रपा अध्यक्ष लिङ्देन झापा क्षेत्र नम्बर ३ मा दोस्रोपटक प्रतिनिधि सभामा प्रतिनिधित्व गरिरहेका सांसद हुन।