अरनिको राजमार्ग पहिरोको कारण अवरुद्ध ।

भक्तपुर – अरनिको राजमार्ग पहिरोले अवरुद्ध भएको छ । आज बिहान सिन्धुपाञ्चोकको भोटेकोशी गाउँपालिका २ इकुमा पहिरो खस्दा राजमार्ग अवरुद्ध भएको जिल्ला प्रहरी कार्यालय सिन्धुपाल्चोकले जनाएको छ । सडक बन्द भएपछि तातोपानी नाकाबाट काठमाण्डौ आउन लागेका गाडीहरु भन्सारमै रोकिएका छन् । भने इकु भन्ने ठाउँमा सडक माथिबाट पहिरो खसेको र तलबाट सडक भासिएकाले सडक पूर्णरुपमा अवरुद्ध भएको प्रहरीले जनाएको छ ।

गएको मङ्गलवार चीनतर्फबाट आएको बाढीले केरुङ नाकाको संरचना भत्काइदिएपछि त्यो नाकाबाट नेपाल आउन लागेका पर्यटकहरुलाई सिन्धुपाल्चोकको कोदारी नाकाबाट पठाइएको थियो केरुङ नाका अवरुद्ध भएको कारण सिन्धुपाल्चोकको कोदारी हुँदै १२६ जना पर्यटक नेपाल भित्रिएका थिए । त्यसमध्ये ७२ जनालाई हेलिकप्टर र ६४ जनालाई बसमार्फत काठमाण्डौ पठाइएको सिन्धुपाञ्चोक प्रहरीले जनाएको छ । प्रहरीका अनुसार अवरुद्ध सडक खुलाउने प्रयास भइरहेको छ ।