पर्सि आइतबारदेखि नेपालमा भारी वर्षा हुने ,सचेत रहन मौसमविद्को आग्रह ।

भक्तपुर – भारतको उत्तरप्रदेशतर्फ रहेको मनसुनी रेखा नेपालतर्फ आइतबारदेखि सोमबारसम्म देशभर भारी सर्ने भएकोले सचेत रहन मौसमविद् सन्जिव अधिकारीले आग्रह गरेका छन् ।
जल तथा मौसम विज्ञान विभागले काठमाडौं उपत्यकासहित ३६ जिल्लामा बाढीको मध्यम जोखिमका कारण ’एलो अलर्ट्’ जारी गरेको छ । जल तथा मौसम विज्ञान विभागका मौसमविद् सन्जिव अधिकारीका अनुसार आज र भोलि दिउँसोसम्म अवस्था सामान्य नै रहे पनि पर्सिदेखि मनसुन सक्रिय हुने सम्भावना छ । पानी पार्ने प्रणाली पूर्वबाट पश्चिमतिर सर्दै जाने र देशभर वर्षाको मात्रा बढ्ने पूर्वानुमान गरिएको छ ।