सिन्धुपाल्चोकको बलेफी गाउँपालिका ६ मा मानव कंकाल फेला ।

भक्तपुर – सिन्धुपाल्चोकको बलेफी गाउँपालिका–६ बन्दर्वामा मानव कंकाल फेला परेको प्रहरीले जनाएको छ । बेत्रावती सामुदायिक वनको जंगलमा शुक्रबार टाउको लगायत शरीरका केही भागहरुको हड्डीसहित कपडा फेला परेको प्रहरीले जनाएको छ । नजिक रुखमा नाइलनको डोरी पनि झुण्डिएको अवस्थामा फेला परेको थियो ।

उक्त कंकालको पहिचान भएको जिल्ला प्रहरी कार्यालय सिन्धुपाल्चोकले जनाएको छ । कंकाल गत जेठमा हराएका सोही ठाउँका करिब ६४ वर्षीय सार्की तामाङको रहेको प्रहरीले जनाएको छ । कपडाको आधारमा परिवारले उनको कंकाल पहिचान गरेका हुन् । घटनाको थप अनुसन्धान भइरहेको प्रहरीले जनाएको छ ।