माघे सङ्क्रान्तिका लागि चाकु बनाउन टोखाका व्यवसायीलाई भ्याइनभ्याइ।

भक्तपुर —काठमाडौँको टोखा क्षेत्रमा माघे सङ्क्रान्तिको लागि चाकु उत्पादन गर्ने व्यवसायीलाई भ्याइनभ्याइ भएको छ । परम्परागत रूपमा माघे सङ्क्रान्तिमा चाकु खाने चलन रहँदै आएकाले माग बढेसँगै यहाँका उद्योग तथा घरेलु व्यवसायहरू व्यस्त बनेका छ ।
नेपालको हिमाली र पहाडी भेगमा माघेसङ्क्रान्तिलाई जाडोयामको अन्त्य र वसन्तको आगमनको सङ्केत मानिन्छ । यो पर्वमा चाकुको विशेष महत्त्व छ ।

टोखामा पुस्तौँदेखि चाकु बनाउँदै आएका व्यवसायीका अनुसार यस वर्ष पनि अघिल्ला वर्षझैँ माग उच्च रहेको छ । चाकु बनाउन उखुबाट खुदो पकाउने, जमाउने र टुक्र्याउने काम दिनरात चलिरहेको छ । व्यवसायीहरूले परम्परागत स्वाद र गुणस्तर जोगाउँदै उत्पादन बढाउने प्रयास गरिरहेका छन्।

उखुको रसलाई लामो समयसम्म उमालेर घीउ हालेर तयार पारिने यो मीठाइले शरीरलाई न्यानो राख्ने र स्वास्थ्यवद्र्धक मानिन्छ । माघेसङ्क्रान्तिमा चाकु खाँदा रोगव्याधि भाग्ने र नयाँ वर्षमा शुभ हुने मान्यता छ । परम्परागत रूपमा यो दिन चाकुको साथमा तिलको लड्डु, घीउ, तरुल, सखरखण्ड र खिचडी खाने चलन छ ।

व्यवसायीहरूका अनुसार काठमाडौँ उपत्यकासहित देशका विभिन्न जिल्लाबाट चाकुको अर्डर आउन थालेको छ । बढ्दो कच्चा पदार्थको मूल्य र श्रमिक अभावका बाबजुद पनि माग पूरा गर्न मेहनत गरिरहेको उनीहरूको भनाइ छ।

माघे सङ्क्रान्तिमा चाकुसँगै तिलको लड्डु, घिउ र तरुल खाने परम्परा रहेको छ। चिसो मौसममा शरीरलाई ऊर्जा दिने विश्वासका साथ यी परिकार सेवन गरिँदै आएको छ।