नेपाली कांग्रेस

भक्तपुर नेपाली कांग्रेसका महामन्त्री गगनकुमार थापाले सभापति शेरबहादुर देउवाले शक्ति सबै आफूमा राखेर पार्टीका उपसभापति पूर्णबहादुर खड्कालाई कार्यवाहक सभापतिको जिम्मेवारी दिएको आरोप लगाएका छन् । उनले खड्काको कार्यवाहक सभापति जिम्मेवारीलाई ‘नाम मात्र’ संज्ञा दिए । पार्टी केन्द्रीय कार्यालय सानेपामा आज बसेको कार्यसम्पादन समितिको बैठकपछि सञ्चारकर्मीसँग महामन्त्री थापाले अहिले पनि सबै शक्ति सभापति देउवाले रहेको बताए । ‘सभापतिले कार्यवाहक दिनुभएको छ । नाम मात्रको कार्यवाहक दिनुभयो । आजको बैठकमा आउनुभएको छैन तर, सबै शक्ति उतै छ,’ सञ्चारकर्मीहरूसँग प्रतिक्रियाको क्रममा थापाले भनेका छन् ।