इपिएस शाखाको माग ५ हजार, आवेदन भने नाघ्यो एक लाख ।

भदौ ३, २०८२ मंगलबार

भक्तपुर –  विदेश रोजगारको लागि (इपिएस) अन्तर्गत दक्षिण कोरिया जानका लागि एक लाख तीन हजार जनाले आवेदन दिएका छन ।

दक्षिण कोरियाले खुलाएको ५ हजार कोटा भर्न एक लाखभन्दा बढी नेपालीले आवेदन दिएका हुन् । सन् २०२५ को इपिएस परीक्षा आवेदन गएको साउन २६ गतेदेखि ३१ गतेसम्म खुला गरेको थियो । श्रम तथा रोजगार मन्त्रालयका अनुसार यस वर्ष पनि मागभन्दा धेरै आवेदन परेको इपिएस शाखाले बताएको छ ।

छनोट प्रक्रिया भने परीक्षा मार्फत हुने जनाइएको छ । जसमा उत्पादनमूलक क्षेत्रतर्फ ३५ सय तथा कृषि पशुपालन क्षेत्रतर्फ एक हजार ८ सय माग्दा एक लाख बढीले आवेदन दिएका छन् ।