मध्यपुरथिमिमा परम्परागत जिब्रो छेड्ने जात्रा, भक्तजनको भीड ।

भक्तपुर – भक्तपुरको मध्यपुरथिमिमा आज ऐतिहासिक तथा सांस्कृतिक महत्त्व बोकेको जिब्रो छेड्ने जात्रा भव्य रूपमा मनाइँदैछ । प्रत्येक वर्ष चैत्र शुक्ल अष्टमीका दिन मनाइने यो जात्रामा सहभागी भक्तजनहरूले नगर परिक्रमा गर्ने परम्परा रहेको छ ।

जात्राको विशेष आकर्षण भनेको एक जना भक्तजनले आफ्नै जिब्रो छेडी धार्मिक अनुष्ठानमा सहभागी हुने प्रथा समेत हो । जात्रा मध्यपुरथिमि–५ दिगुली दिगुभैरव डबलीबाट बेलुका ७ बजे शुरु हुन्छ । यस वर्ष पनि मध्यपुरथिमि–४ बालकुमारीका संस्कृतिप्रेमी युवा वीरेन्द्रभक्त गजु श्रेष्ठले जिब्रो छेडाएर जात्रालाई निरन्तरता दिनुहुनेछ । जात्रा प्रारम्भ भएपछि नगरका विभिन्न टोल, मठमन्दिर परिक्रमा गरिन्छ ।

मध्यपुर थिमि ४ बालकुमारी निवासी वीरेन्द्रभक्त श्रेष्ठले मध्यपुर थिमि दिगु भैरव मन्दिरको डवलीमा जिब्रो छेडेर चन्द्राकारको १७ वटा दीप सहितको भ्ये बोकेर थिमिको लायकू, बालकुमारीस विष्णुबीरस्थान, सिद्धिकाली, सानोठिमी, पेप्सीकोला, गुह्रयेश्वरी मन्दिरहुँदै, पशुपति मन्दिर परिक्रमा गर्दै । परिक्रमापछि पुन थिमि पुगेर बालकुमारीमा सियो निकाल्ने गरिन्छ । तस्बिर : रत्न श्रेष्ठ / रासस[/caption] यस अवसरमा स्थानीयवासी तथा विभिन्न स्थानबाट आएका भक्तजनहरूको भीड लागेको छ । स्थानीय समुदायले यसलाई सांस्कृतिक पहिचान र धार्मिक आस्थासँग जोडेर लिने गरेको पाइन्छ । उहाँले दिगु भैरव मन्दिर अगाडि जिब्रो छेडेर महादीप काँधमा बोकी दिगु भैरवलाई तीनपटक परिक्रमा गरेपछि निगु पुखुः, लाय्कू हुँदै जात्राको परम्पराअनुसार क्वालाखु (बालकुमारी) थास्मा गणेशको दर्शन गर्ने व्यवस्था गरिएको जात्रा व्यवस्थापन समितिका अध्यक्ष चन्द्रकृष्ण श्रेष्ठले बताउनुभयो ।