सुरक्षा चासो बढेपछि भक्तपुरका केही क्षेत्रमा कफ्र्यु लागू ।

भक्तपुर सुरक्षा अवस्था संवेदनशील बन्दै गएपछि भक्तपुरका केही क्षेत्रमा प्रशासनले कफ्र्यु आदेश जारी गरेको छ। जिल्ला प्रशासन कार्यालय भक्तपुरको चाँगुनारायण र भक्तपुर नगरपालिका भित्रका क्षेत्रमा बिहान साढे ८ बजेदेखि अर्को आदेश नआएसम्मका लागि कफ्र्यु आदेश जारी भएको हो ।

भक्तपुरको जडिवुटीदेखि साँगा, पेप्सिकोला मनोहरादेखि निकोसेराचोक र राधेराधेसम्म, कौशलटारदेखि बालकोटसम्म, बाखाबजार कोरियन अस्पताल, सल्लाघारीदेखि कमलविनायक, खरिपाटी हुँदै नगरकोटसम्म कफ्र्यु जारी भएको छ । यसैगरी, च्यामासिंह, ताथली हुँदै नालासम्म, दुवाकोटदेखि नेपाल इन्जिनियरिङ कलेजसम्म र देकोचादेखि चाँगुनारायण मन्दिर क्षेत्रसम्म कफ्र्यु लागेको छ ।

प्रशासनले स्थानीयवासीलाई आवश्यक कामबाहेक घर बाहिर ननिस्कन आग्रह गरेको छ । सुरक्षाकर्मीहरूलाई सतर्क अवस्थामा खटाइएको छ भने नियम उल्लंघन गर्नेहरूमाथि कडा कारबाही हुने चेतावनी दिइएको छ । कफ्र्यु आदेशले दैनिक जनजीवन प्रभावित भएको छ । बजार, यातायात र सार्वजनिक स्थल पूर्ण रूपमा बन्द भएका छन् । भने विद्यालय र कार्यालयहरू पनि स्थगित भएका छन् । प्रशासनले शान्ति र सुरक्षाको लागि सबैलाई सहयोग गर्न अपिल गरेको छ ।