पुलबाट खस्दा बस दुर्घटना, दाङमा २२ जना घाइते

काठमाण्डौ- दाङमा बस दुर्घटना हुँदा २२ जना यात्रु घाइते भएका छन। पूर्व–पश्चिम राजमार्गअन्तर्गत दाङको लमही नगरपालिका–१ कौडियामा डडेल्धुराबाट काठमाडौँतर्फ आउँदै गरेको ना ८ ख ७४५५ नम्बरको बस पुलबाट खोलामा खस्दा दुर्घटना भएको हो ।

आज बिहान करिब ३ बजे बस दुर्घटनामा परेको वडा प्रहरी कार्यालय लमहीले बताएको हो । दुर्घटनामा २२ जना यात्रु घाइते भएको वडा प्रहरी कार्यालय लमहीले जनाएको छ ।

घाइतेलाई उद्धार गरी लमही अस्पताल पठाएको छ । घाइतेहरूको अहिले लमही अस्पतालमा उपचार भइरहेको छ । २२ जना घाइतेलाई उपारका लागि लमही अस्पताल लगिएको छ । जसमध्ये दुई जनालाई थप उपचारका लागि बाहिर पठाउनुपर्ने हुनसक्ने प्रहरी निरीक्षक पाण्डेले जानकारी दिनुभयो । बस दुर्घटनाका कारण के हो भनेर अनुसन्धान जारी रहेको प्रहरीले बताएको छ ।
बसमा ३८ जना सवार रहेको थिए । प्रहरीका अनुसार पट्टा भाँचिएर बस दुर्घटना भएको प्रारम्भिक बयानका क्रममा बस चालकले बयान दिएका छन् ।