सानोठिमी बाल सुधारगृहमा झडप र आगजनी, सुरक्षाकर्मी परिचालन

भक्तपुरको मध्यपुरथिमि–२ स्थित सानोठिमी बाल सुधारगृहमा झडप र आगजनी भएको छ ।बाल सुधारगृहका दुई समूहबीच बिहिबार राति भएको झडप आगजनी र तोडफोडमा परिणत भएको थियो । आपसमा झडप भएपछि थिमि प्रहरीको टोलीले सुधारगृह पुगेर स्थिति नियन्त्रणमा लिने प्रयास गर्दाझडपमा संलग्न दुवै समूहले प्रहरीमाथि नै ढुङ्गामुढा प्रह्ँगरेको थियो । स्थिति नियन्त्रण बाहिर गएपछि सशस्त्र प्रहरी बलबाट ५० जना परिचालन भएका थिए ।

मध्यरातमा भक्तपुर र काठमाडौंका वारुणयन्त्रले आगो निभाएका थिए । सुधारगृहमा भएको क्षतिको विवरण आउन बाँकी रहेको थिमि प्रहरी वृत्तले जनाएको छ । उक्त गृहमा १४५ पुरुष र २४ महिला गरी १६९ जना छन् ।अहिले स्थिति नियन्त्रणमा आएको भए पनि त्यहाँ बाक्लो सङ्ख्यामा उपस्थित सुरक्षाकर्मीले निगरानी गरिरहेको प्रहरीले जनाएको छ।