सजिलो बाटो छोडेँ, चुनौती स्वीकारें:गगन थापा

नेपाली काँग्रेसका सभापति गगन थापाले आफूले सधैँ सजिलो बाटो छाडेर अफ्ठ्यारो बाटो रोज्ने गरेको बताउनुभएको छ । आज काठमाडौमा आयोजित कार्यक्रममा उहाँले पार्टी र निर्वाचन दुवैैतिर अफ्ठ्यारो बाटो रोजेको बताउनु भयो । थापाले पार्टीभित्र सजिलो बाटो छोडेर अफ्ठ्यारो बाटो रोज्दा पार्टीबाट पाँच वर्षका लागि निष्कासनमा परेको बताए । विशेष महाधिवेशनमा पार्टीको कार्यकर्ताले दिएको साथले नै आफू पार्टीभित्रै रहन सफल भएको उहाँको तर्क छ ।

उहाँकाअनुसार विशेष महाधिवेशनमा समर्थन नपाएको भए आज आफू निष्कासित सदस्यका रूपमा जनतामाझ उभिनुपर्ने अवस्था आउने थियो । उहाँले आगामी निर्वाचनमा पनि काठमाडौंको क्षेत्र नम्बर ४ आफ्नो लागी सहज भएपनि जानाजानी अफ्ठ्यारो बाटो रोजेको बताउनु भयो ।
काठमाडौँ वा सर्लाहीबाट उम्मेदवार बन्ने विषयमा चर्चा भइरहँदा अन्य दलहरूले काठमाडौंमा उम्मेदवार समेत नछानेको उल्लेख गर्नुहुँदै उहाँले काठमाडौँ आफ्नो लागि धेरै सहज निर्वाचन क्षेत्र भएको टिप्पणी गर्नुभयो ।