मुलुकमा शान्ति, समृद्धि र विकासले गति लिन एमालेलाई जिताउनुहोस्

भक्तपुर -नेकपा एमाले अध्यक्ष केपी शर्मा ओलीले पार्टी मुख्यालय च्यासलमा आज आयोजित कार्यक्रममा बोल्दै एमालेलाई आगामाी फागुन २१ गते हुने निर्वाचनमा विजयी बनाउन सक्रियतापूर्वक खट्न आग्रह गरेका हुन्। ओलीले देश र जनताको हितमा काम गर्नका लागि पनि आगामी निर्वाचनमा नेपाली जनताले एमालेलाई विजयी गराउनुपर्ने बताए ।

उनले मुलुकमा शान्ति, समृद्धि र विकासले गति लिन पनि आगामी निर्वाचनमा एमाले विजयी हुनुपर्ने बताए। ओलीले भने, ‘नेकपा एमालेलाई साथ दिनुहोस्‚ एमालेले तपाईंहरूलाई साथ दिनेछ। जनता र देशका लागि काम गर्ने हो। आफ्ना लागि काम गर्ने होइन एमालेले। त्यसकारण मेरो आग्रह यही छ– तपाईंहरू सक्रियतापूर्वक एमालेलाई विजयी बनाउनुस्। देशले जित्नेछ, शान्तिले जित्नेछ। सुशासनले जित्नेछ, विकासले जित्नेछ।’