नेपालले आज भारतसँग प्रतिस्पर्धा गर्दै ,खेल दिउँसो सवा ३ बजे शुरु हुने।

भक्तपुर – यू–१७ साफ महिला च्याम्पियनशिप अन्तर्गत नेपालले आज भारतसँग खेल्दैछ । खेल भूटानको चाम्लिमिथाङ रङ्गशालामा नेपाली समयअनुसार दिउँसो सवा ३ बजे शुरु हुने भएको छ ।

साफ महिला च्याम्पियनशिप एन्फाले २३ सदस्यीय टोली घोषणा गरिसकेको छ । प्रतियोगितामा नेपाल, भूटान, भारत र बङ्गलादेश सहभागी छन् । डबल राउन्ड रोबिन लिगका आधारमा हुने प्रतियोगितामा लिग चरणपछि शीर्ष स्थानमा रहने टोली विजेता बन्नेछ ।

नेपालले पर्सि शुक्रवार भूटानसँग, भदौ ८ गते र भदौ ११ गते बङ्गलादेशसँग, भदौ १३ गते भारतसँग र भदौ १५ गते भूटानसँग खेल्ने छ । डबल राउन्ड रोबिन लिगमा शीर्ष स्थानमा रहने टोलीले उपाधि जित्ने छ । आजदेखि शुरु हुने प्रतियोगिता आउँदो अगस्ट ३१ तारिखसम्म चल्ने छ ।