एएफसी महिला च्याम्पियन्स लिग खेल्न एपीएफ टोली लाग्यो उज्वेकिस्तान तर्फ ।

भक्तपुर – एएफसी महिला च्याम्पियन्स लिगको छनोटको प्रतियोगितामा सहभागी हुन नेपाल पुलिसको एपीएफ क्लब आज उज्वेकिस्तान प्रस्थान गरेको छ । एपीएफका २० खेलाडीसहित २९ सदस्यीय टोली उज्वेकिस्तान प्रस्थान गरेको हो । एपीएफले प्रतियोगिताको लागि मुख्य प्रशिक्षकमा चेतन घिमिरेलाई अनुबन्ध गरेको छ ।

अनिता बस्नेत कप्तान रहेको एपीएफले समूह ‘बी’ अन्तर्गत पहिलो खेलमा सोमवार आयोजक नासफसँग, दोश्रो खेलमा बिहिवार एशिया स्कलर्ससँग र तेश्रो तथा अन्तिम खेलमा भदौ १५ गते आइतवार अल नासरसँग खेल्ने छ । चार समूहमा चार–चार वटा टोली हुने भएका छन् । एक समूहमा भने ३ वटा टोली रहेका छन् ।

एपीएफ क्लबले प्रतियोगितामा उज्वेक क्लब तथा अन्य टोलीसँग प्रतिस्पर्धा गर्नेछ । हरेक समूहको शीर्ष स्थानमा रहने टोलीले एएफसी महिला क्लबमा पहिल्यै छनोट भइसकेका सात टोलीसहित १२ टोलीले फाइनल चरणमा खेल्नेछन् ।