न्युज डेस्क

काठमाडाैं,सहकारी ठगी प्रकरणमा संसदीय छानबिन समिति गठन गर्न दलहरूबीच सहमति जुट्न नसकेपछि प्रतिनिधि सभा बैठक शुक्रवार दिउँसो २ बजेसम्मका लागि स्थगित भएको छ। शुक्रवार बिहान ११ बजेका लागि बोलाइएको बैठक पौने १ बजेको समयमा सूचना टाँसेर स्थगित भएको हो । सहकारी ठगीको आरोप लागेका गृहमन्त्री रवि लामिछानेमाथि संसदीय छानबिन समितिको माग गर्दै कांग्रेसले प्रतिनिधि सभा अवरुद्ध गर्दै आएको छ । बिहीवार संसदमा सत्ता र प्रतिपक्षबीच हात हालाहालको स्थिति भएको थियो । संसद बैठकअघि सभामुख देवराज घिमिरेले सचेतकहरूसँग छलफल गरेका छन् । नेपाली कांग्रेसले विपक्षी दलका नेतासँग छलफल गरेको छ ।

काठमाडौँ । नेपाली कांग्रेसको संसदीय दलको बैठक स्थगित भएको छ । कांग्रेसले आज अपराहन्न २ बजेदेखि बस्ने भनेको संसदीय दलको बैठक शुक्रबार बिहान साढे ८ बजे बानेश्वरस्थित संघीय संसद भवन ल्होत्से हलमा बस्ने गरी स्थगित भएको हो । कांग्रेसका पूर्व केन्द्रीय सदस्य एवं संविधान सभा सदस्य सूर्यमान गुरुङको बैशाख २५ गते असामयीक निधन भएको र उनको आज अन्त्येष्टि गरिने भएकाले कांग्रेस संसदीय दलको बैठक स्थगित भएको हो ।

काठमाडौं । राष्ट्रिय स्वतन्त्र पार्टी (रास्वपा) ले सहकारी हिनामिना प्रकरणमा छानबिन गर्न संसदीय छानबिन समिति गठन गर्न अस्वीकार गर्ने निर्णय गरेको छ । मंगलबार बसेको पार्टी संसदीय दलको बैठकले आफ्ना सभापति रवि लामिछानेमाथि सहकारी हिनामिना प्रकरणमा मिथ्या आरोप लगाएको भन्दै संसदीय छानबिन समिति गठन अस्वीकार गर्ने निर्णय गरेको हो । बैठकमा बैशाख २८ गतेदेखि बस्ने संसदको बजेट अधिवेशनलाई प्रभावकारी बनाउने विषयमा समेत छलफल भएको थियो । प्रमुख प्रतिपक्षी दल नेपाली कांग्रेसले सहकारीको रकम हिनामिना प्रकरणको छानबिन गर्न संसदीय समिति गठनको माग गर्दै आएको छ । त्यस्तै प्रधानमन्त्री पुष्पकमल दाहाल प्रचण्ड

काठमाडौं, २४ वैशाख । राष्ट्रिय स्वतन्त्र पार्टी (रास्वपा) ले संसदीय दलको बैठक बोलाएको छ । रास्वपाले भोलि (मंगलबार) विहान ८ बजेका लागि संसदीय दलको बैठक बोलाएको हो । बैठकमा आसन्न संसद्को बजेट अधिवेशन, सरकारका कामकारबाही, हालै सम्पन्न उपनिर्वाचन र समसामयिक घटनाक्रमका बारेमा छलफल हुने बताइएको छ । आगामी वैशाख २८ गतेका लागि संसद् बैठक आह्वान गरिएको छ । संसद्को प्रमुख प्रतिपक्षी दल नेपाली कांग्रेसले रास्वपाका सभापतिसमेत रहेका उपप्रधान एवं गृहमन्त्री सहकारी ठगी प्रकरणमा संलग्न रहेको दाबी गर्दै छानविन समिति माग गरेको छ । कांग्रेसले संसदीय छानविन समिति माग गर्दै निरन्तर

काठमाडौं । प्रधानमन्त्री पुष्पकमल दाहाल ‘प्रचण्ड’ले मन्त्रिमण्डल पुर्नगठनको तयारी गरेका छन् । जनता समाजवादी पार्टी नेपाल फुटेर जनता समाजवादी पार्टी बनेपछि सरकारका मन्त्रीहरु पनि हेरफेर हुन लागेको हो । प्रधानमन्त्री समेतको सहयोगमा नयाँ दल बनेपछि जसपा नेपालका अध्यक्ष उपेन्द्र यादबले सरकार छाड्ने सम्भावना छ । यादब आफैं उपप्रधान तथा स्वास्थ्यमन्त्री छन् । त्यस्तै, वनमन्त्रीमा यादबकै दलका नवलकिशोर साह र वनराज्यमन्त्रीमा दीपक कार्की छन् । उनीहरु हटेपछि अशोक राई नेतृत्वको नयाँ दलका सांसदहरु मन्त्री बन्ने सम्भावना छ । अन्य दलका केही मन्त्रीहरुको जिम्मेवारी समेत हेरफेर हुने सम्भावना रहेको स्रोत बताउँछ ।

काठमाडौँ — नेत्रविक्रम चन्दले नेतृत्व गरेको नेपाल कम्युनिस्ट पार्टीले २०८४ को निर्वाचनमा भाग लिने भएको छ । संघ र प्रदेश निर्वाचनलाई बहिस्कार गर्दै आएको नेकपाले समाजवाद स्थापनाका लागि निर्वाचनलाई उपयोग गर्ने निर्णय गरेको हो । २०८४ को निर्वाचनमा भाग लिने चन्द नेतृत्वको नेकपाको निर्णय नेकपाको पाँचौ केन्द्रीय समिति बैठकको निर्णय मंगलबार सार्वजनिक गर्दै निर्वाचनमा भाग लिने जनाएको छ । नेकपाले ‘नेपाली विशेषताको समाजवादका लागि चार मित्र शक्ति (कम्युनिष्ट, समाजवादी, देशभक्त र लोकतान्त्रिक गणतन्त्रवादी)सँग मोर्चा बनाउन’ पहल गर्ने जनाएको छ । माओवादीसहित समाजवादी मोर्चामा रहेको नेकपाले एमसीसी कार्यान्वयनका लागि नयाँ कानुन