न्युज डेस्क
आश्चर्यजनक चित्रकला प्रदर्शनी: बांगलादेश र नेपालको सांस्कृतिक सम्बन्ध उज्यालोमा
न्युज डेस्क

काठमाण्डौँ, बबरमहलमा नेपाल आर्ट काउन्सिलको आयोजनामा बांगलादेशी दूतावासको चित्रकला प्रदर्शनी सुरु भएको छ।‘लभ फर ल्याडंवेज एण्ड कल्चर‘ (भूमि र संस्कृतिको माया) यस्तो चित्रकला प्रदर्शनीमा देखाउने भाव अबिस्कार गर्नुहुनेछ। यसको उद्घाटन शुक्रबार उपप्रधानमन्त्री र गृहमन्त्री नारायणकाजी श्रेष्ठले गरेका थिए। प्रदर्शनीमा ३३ चित्रकला प्रदर्शन गरिएका छन्, जुनको मुल्य ३,५०० रुपैयाँबाट २ लाखसम्म छ। यस कला प्रदर्शनी २७ जुन (मंगलवार) सम्म चल्नेछ, यो आयोजक पक्षद्वारा घोषित गरिएको छ। कलाकारहरूले बांगलादेश र नेपालको सांस्कृतिक समानता र विविधतासँगै रहनसहनलाई क्यानभासमा प्रस्तुत गरेका छन्।
र्याप्पर गिरिस खतिवडा विरुद्ध ज्यान मुद्दामा किटानी जाहेरी दर्ता…
न्युज डेस्क

र्याप्पर गिरिस खतिवडा विरुद्ध जिल्ला प्रहरी कार्यलय मोरंगमा कर्तव्य ज्यान मुद्धामा किटानी जाहेरी दर्ता भएको छ । विराटनगरस्थित जी क्याफे एण्ड बिस्ट्रोमा घाइते भई उपचारको क्रममा मृत्यु भएका कासिद अन्सारीको सुनियोजित हत्या भएको भन्दै मृतकका दाइले जी क्याफेका संचालक गिरिश खतिवडा सहित क्याफेका अन्य दुई कर्मचारी विरुद्ध किटानी जाहेरी दिएका छन् । मोरङ प्रहरीका प्रवक्ता प्रहरी नायब उपरीक्षक रञ्जनकुमार दाहालले अहिलेसम्म हत्या नै भएको हो भन्ने प्रमाण नभेटिएको र पोस्टमर्टमको रिपोर्टको पर्खाईमा रहेको जानकारी दिएका छन् ।
विश्वकप छनोट : नेपाल वेस्ट इन्डिजसँग भिड्दै
न्युज डेस्क

काठमाडौं : आईसीसी एकदिवसीय विश्वकप छनोट अन्तर्गत नेपालले आफ्नो तेस्रो खेल आज वेस्ट इन्डिजसँग खेल्दैछ । दिउँसो १२ः४५ बजे हुने खेलमा नेपालले वेस्ट इन्डिजसँग हरारेमा प्रतिस्पर्धा गर्दैछ । यसअघि नेपाल पहिलो खेलमा जिम्बावेसँग पराजित भएको थियो भने दोस्रो खेलमा अमेरिकालाई पराजित गरेको थियो । नेपाल र वेस्ट इन्डिज पहिलो पटक एकदिवसीय क्रिकेटमा भिड्दैछन् । १० टोलीको प्रतियोगितामा नेपाल समूह ‘ए’ मा छ । समूह ‘ए’ मा नेपालसँगै दुई पटकको विश्व च्याम्पियन वेस्ट इन्डिज, जिम्बावे, नेदरल्याण्ड्स र अमेरिका छन् । समूह बी मा श्रीलंका, आयरल्याण्ड, स्कटल्याण्ड, ओमान र युएई छन् ।