न्युज डेस्क

सोमबार, श्रावण १६, २०७९ काठमाडौं । राहदानी विभागले विद्युतीय राहदानी (ई-पासपोर्ट)का लागि भाेलि मंगलबार बिहान ११ बजेदेखि अनलाइन आवेदन फारम खोल्ने भएको छ ।साेमबार एक सूचना जारी गर्दै विभागले यसबारे जानकारी दिएकाे हाे ।‘राहदानी विभागले भोलिबाट प्रत्येक दिन ११ बजे अनलाइन आवेदन फाराम खोल्ने व्यहोरा सम्बन्धित सबैको जानकारीका लागि अनुरोध गरिएको छ,’ सूचनामा भनिएको छ ।

२०७९ साउन १६ गते काठमाडौं । सेयर बजार सोमबार पनि बढेको छ । ०.०५ प्रतिशतले बढेको बजारमा ४ अर्ब ६० करोड रुपैयाँ भन्दा बढीको सेयर खरिद बिक्री भएको छ । सोमबार १.१५ अंकले बढेको बजार २१९६.२५ विन्दुमा अडिएको छ ।आजको कारोबारमा २१७ कम्पनी सामेल भएका थिए । बैकिङ, ट्रेडिङ, जलविद्युत, उत्पादन तथा प्रशोधन र इन्भेष्टमेन्ट समुहमा बढोत्तरी छ भने बाँकी रहेका समुह ओरालो लागेको छ ।यस दिन १ करोड ५ लाख १८ हजार कित्ता सेयर खरिद बिक्रि भएको नेपाल स्टक एक्सचेन्जले जनाएको छ ।

१६ श्रावण २०७९, सोमबार काठमाडौं । पछिल्लो २४ घण्टामा ८९५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पाँच हजार नौ सय नौ जनामा गरिएको नमूना परीक्षणमा सो संख्यामा संक्रमण पुष्टि भएको हो । नमूना परीक्षण गरिएकामध्ये तीन हजार ६ सय ८५ जनाको पिसीआर परीक्षण र २२ सय २४ जनाको एन्टीजेन परीक्षण गरिएको थियो ।मन्त्रायका अनुसार पछिल्लो एक दिनमा संक्रमणका कारण एक जनाको ज्यान गएको छ । हाल नेपालमा ४९ सय ३४ जना संक्रिय संक्रमित रहेका छन् ।

करको दर हेफेर गर्न अनधिकृत व्यक्तिको प्रवेश भएको भनी उठेको प्रश्नबारे छानबिन गर्न गठित संसदीय विशेष समितिले बजेट निर्माणको गोप्य कक्षकै सुरक्षाका विषयमा सुझाव दिएको छ । ‘बजेट निर्माणको गोप्य कक्षमा काम गर्ने कर्मचारीहरूले उक्त कक्षभित्र ल्याण्डलाइन फोन र मोबाइल प्रयोग गर्न नपाउने व्यवस्था भएकोमा सूचना आदान प्रदानका अन्य माध्यमहरू ९सामाजिक सञ्जाल, भाइवर, मेसेन्जर, हाट्सएप आदि लाई पनि प्रयोग गर्न नपाउने गरी समयानुकूल परिमार्जन गर्नुपर्ने छ ।’ सुझव खण्ठमा भनिएको छ ।  

प्रतिनिधिसभाका सांसदहरुले एसपीपी अस्वीकार गरिएको सम्बन्धमा अमेरिकालाई पठाएको पत्र सार्वजनिक गर्न माग गरेका छन्। परराष्ट्रमन्त्री डा. नारायण खड्काले एसपीपी अगाडि नबढाउने सरकारको निर्णयबारे अमेरिकालाई यही साउन ९ गते पत्र पठाइएको बताएपछि सांसदहरुले त्यो पत्र सार्वजनिक गर्न माग गरेका हुन्। ‘नेपाल सरकारले अमेरिकालाई पठाएको पत्र यो गरिमामय सदनमा पढेर सुनाउनुपर्छ,’ अन्तर्राष्ट्रिय सम्बन्ध समितिकी सभापतिसमेत रहेकी सांसद पवित्रा निरौला खरेलले माग गरिन्। उनले उक्त अन्तर्राष्ट्रिय सम्बन्ध समितिलाई समेत बुझाउन माग गरिन्। ‘समितिले बारबार पत्राचार गरेको छ, समितिलाई छाया कपी प्रदान गरिनुपर्छ,’ निरौलाले भनिन्। अर्का सांसद सूर्यप्रसाद पाठकले पनि एसपीपीबारे पठाइको पत्र सार्वजनिक